Jafningjastjórnun II

Jafningjastjórnun II

Almennt verð
129.900 kr
Afsláttarverð
129.900 kr
Magn verður að vera 1 eða meira

UM NÁMSKEIÐIÐ

Á námskeiðinu er farið í gegnum áhrifarík samskipti og teymisvinnu. Greint verður hvernig skapa má sterka liðsheild þar sem allir hafa sameiginlega sýn. Einnig verður skoðað hvað það er sem helst grefur undan teymum og hvernig er hægt að fyrirbyggja það. Áhersla verður einnig á hagnýt ráð í stjórnun eins og faglega fundarstjórnun og hvernig má virkja alla til þátttöku á fundum. Lagður er fyrir ítarlegur teymisgátlisti svo hver og einn getur speglað sig í hvað vel er gert í stjórnendahlutverkinu en einnig til að greina hvar tækifæri til úrbóta liggja.

Kenndar verðar þaulreyndar aðferðir í samskiptum til þess að byggja upp traust. Áhersla er lögð á virka hlustun, spurningatækni og hvernig best sé að koma hlutum frá sér þannig að allir séu samstíga. Farið verður yfir hvernig best sé að nálgast ólíka einstaklinga í samskiptum með sérstaka áherslu á erfiða eða krefjandi einstaklinga í hópi.

Lögð er rík áhersla á að kenna þátttakendum hagnýt ráð sem þeir geta nýtt sér strax að námskeiðinu loknu. 

ÁVINNINGUR

Að námskeiði loknu ættu þátttakendur að:

  • Þekkja leiðir til að hámarka teymið sitt.

  • Þekkja hvaða þættir það eru sem grafa undan teymum.

  • Kunna að stýra fundum faglega og þannig að allir taki þátt.

  • Hafa þjálfast í þaulreyndum samskiptaaðferðum.

  • Vita hvernig best sé að takast á við erfiða einstaklinga.

UM STJÓRNENDAÞJÁLFANN

Alda SigurðardóttirAlda Sigurðardóttir, er eigandi og stjórnendaþjálfi Vendum ehf. Hún hefur unnið með  nokkur hundruð stjórnendum í einstaklingráðgjöf undanfarin 8 ár, er með viðskiptavini í 9 löndum og þekkir því áskoranir stjórnenda afar vel. Hún hefur jafnframt fjölbreytta stjórnunarreynslu, þar má nefna störf hennar sem fyrrum aðstoðarmaður Dr. Svöfu Grönfelds rektors og síðar Dr. Ara Kristins Jónssonar hjá Háskólanum í Reykjavík,  kynningar- og samskiptastjóri HR, viðskiptastjóri hjá fyrirtækinu SJÁ og sem fræðslustjóri VR. Alda hefur gegnt ýmsum trúnaðarstörfum og setið í fjölmörgum stjórnum og nefndum, m.a. í stjórn Heilsugæslu höfuðborgarsvæðisins, sem stjórnarformaður Menntar og varamaður í stjórn Orkuveitu Reykjavíkur. Hún kennir samhliða stjórnendaþjálfuninni í MBA náminu í HR sem er meistaranám í stjórnun og viðskiptum.

SKIPULAG

    Næsta námskeið verður vorið 2020 og er 2 dagar:

    • Þriðjudaginn 21. janúar frá kl. 9:00-16:00
    • Þriðjudaginn 28. janúar frá kl. 9:00-16:00

      Lengd: 14 klst

      Staðsetning: Vendum, Bolholti 6, 2. hæð, 105 Reykjavík.

      Verð: 129.900 kr

      Innifalið í námskeiðsgjaldi er morgunhressing, hádegisverður, síðdegishressing, kaffi og te.

      Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.